పయనించే సూర్యుడు రిపోర్టర్ జగయ్యపేట నియోజకవర్గం ఇన్చార్జి చేని రాంబాబు ఎన్టీఆర్ జిల్లా జగ్గయ్యపేట, నియోజకవర్గం జూన్ 15 జగయ్యపేట్ట మండలం చిల్లకల్లు గ్రామంలో పారిశుద్ధ్య నిర్వహణలో కీలక పాత్ర పోషిస్తున్న పారిశుద్ధ కార్మికులు అనేక సందర్భాల్లో కాలువల్లో పేరుకుపోయిన చెత్తాచెదారం, మురికి నీటిని తగిన రక్షణ పరికరాలు లేకుండానే తొలగించాల్సి వస్తోంది. కొంతమంది కార్మికులు చేతి తొడుగులు, గమ్బూట్లు, మాస్కులు, రక్షణ దుస్తులు లేకుండా నేరుగా మురికి నీటిలో పని చేయడం వల్ల తీవ్రమైన ఆరోగ్య సమస్యలకు గురయ్యే ప్రమాదం ఉంది. మురికి నీటిలో ఉండే బ్యాక్టీరియా, వైరస్లు, విషపూరిత వాయువులు మరియు ఇతర హానికర పదార్థాల వల్ల చర్మ వ్యాధులు, శ్వాసకోశ సమస్యలు, కంటి ఇన్ఫెక్షన్లు మరియు ఇతర అంటువ్యాధులు వచ్చే అవకాశం ఉంది. అందువల్ల పారిశుద్ధ కార్మికుల ఆరోగ్య భద్రతను కాపాడడం అధికారుల ప్రాథమిక బాధ్యత. ఈ నేపథ్యంలో సంబంధిత అధికారులు ప్రతి పారిశుద్ధ కార్మికునికి క్రింది భద్రతా సామగ్రిని తప్పనిసరిగా అందించాలి. నాణ్యమైన చేతి తొడుగులు, గమ్బూట్లు, ముఖానికి మాస్కులు, రక్షణ కళ్లద్దాలు, పూర్తి శరీరాన్ని కప్పే రక్షణ దుస్తులు (యూనిఫాం), శానిటైజర్లు మరియు సబ్బులు, ప్రథమ చికిత్స కిట్, కాలానుగుణ ఆరోగ్య పరీక్షలు మరియు వైద్య సదుపాయాలు. అదేవిధంగా కాలువల శుభ్రపరిచే పనుల్లో సాధ్యమైనంత వరకు యంత్రాలను వినియోగించి, కార్మికులు నేరుగా మురికి నీటిలోకి దిగే పరిస్థితులను నివారించాలి. కార్మికుల భద్రతా నిబంధనలను కచ్చితంగా అమలు చేసి, వారికి అవసరమైన శిక్షణ కూడా అందించాలి. పారిశుద్ధ కార్మికుల సేవలు సమాజానికి అమూల్యమైనవి. వారి ఆరోగ్యం, భద్రత మరియు గౌరవాన్ని కాపాడటం ప్రతి అధికార యంత్రాంగం మరియు ప్రజల సామాజిక బాధ్యత అని ఈ సందర్భంగా సామాజికవేత్త శ్రీరామ్ సింగ్ తెలిపారు.
