పయనించే సూర్యుడు జూన్ 16, (చింతకాని మండలం రిపోర్టర్. వేర్పుల కోటేశ్వరరావు). వందనం : గ్రామాభివృద్ధే ధ్యేయంగా ప్రజలకు నిరంతరం సేవలు అందిస్తున్న వందనం గ్రామ సర్పంచ్ ఆవుల నాగేశ్వరావు గ్రామస్థుల ప్రశంసలు అందుకుంటున్నారు. గ్రామంలో తాగునీరు, పారిశుద్ధ్యం, వీధి దీపాలు, రహదారుల అభివృద్ధి వంటి మౌలిక సదుపాయాల కల్పనకు ప్రత్యేక శ్రద్ధ చూపుతూ అభివృద్ధి కార్యక్రమాలను ముందుకు తీసుకెళ్తున్నారు. గ్రామ ప్రజలకు ఎలాంటి సమస్యలు ఎదురైనా వెంటనే స్పందిస్తూ, సంబంధిత అధికారులతో సమన్వయం చేసి వాటి పరిష్కారానికి కృషి చేస్తున్నారు. ఇటీవల తాగునీటి సరఫరాలో ఏర్పడిన అంతరాయాన్ని సత్వరమే పరిష్కరించి ప్రజల నుంచి అభినందనలు పొందారు. అదేవిధంగా విద్య, ఆరోగ్యం, పర్యావరణ పరిరక్షణ, సామాజిక సంక్షేమ కార్యక్రమాలకు ప్రాధాన్యత ఇస్తూ గ్రామ సమగ్రాభివృద్ధికి కృషి చేస్తున్నారు. ప్రజలకు ఎల్లప్పుడూ అందుబాటులో ఉంటూ వారి సమస్యలను తెలుసుకుని పరిష్కరించడంలో ముందుండటంతో సర్పంచ్ ఆవుల నాగేశ్వరావు సేవలను గ్రామస్థులు ప్రశంసిస్తున్నారు.
