పయనించే సూర్యుడు జులై 04, (చింతకాని మండలం రిపోర్టర్. వేర్పుల కోటేశ్వరరావు) చింతకాని : చింతకాని మండలంలోని సీతంపేట గ్రామంలో కొనసాగుతున్న ప్రత్యేక ఓటరు జాబితా సమగ్ర సవరణ (ఎస్ ఐ ఆర్) కార్యక్రమాన్ని గ్రామ సర్పంచ్ ఆళ్ల మణి-పానకాలరావు పరిశీలించారు. కార్యక్రమంలో భాగంగా ఇంటింటికి పంపిణీ చేస్తున్న ఎన్యూమరేషన్ ఫార్ముల పంపిణీ ప్రక్రియను పరిశీలించి, బీఎల్ఓ శ్రీనివాసరావుకు అవసరమైన సూచనలు చేశారు. ఈ సందర్భంగా సర్పంచ్ మాట్లాడుతూ, గ్రామంలోని ప్రతి ఓటరు తమ వివరాలను జాగ్రత్తగా పరిశీలించుకుని, ఎన్యూమరేషన్ ఫారాన్ని పూర్తిగా, సరైన సమాచారంతో నింపాలని సూచించారు. ఓటరు జాబితాలో ఎలాంటి పొరపాట్లు లేకుండా ప్రతి ఒక్కరూ సహకరించాలని కోరారు. ఈ కార్యక్రమంలో ఉప సర్పంచ్ జాల రమేష్, కాంగ్రెస్ పార్టీ గ్రామ అధ్యక్షుడు కొత్తపల్లి బసవయ్య, కాంగ్రెస్ పార్టీ బూత్ ఇన్చార్జ్ కంచర్ల సైదులు, బయ్యన రాంప్రసాద్, సీనియర్ కాంగ్రెస్ నాయకులు ఆళ్ల మాధవరావు, జక్కుల వెంకటేశ్వర్లు, నారపోగు రోశయ్య తదితరులు పాల్గొన్నారు
