పయనించే సూర్యడు మే 24 సూర్యాపేట జిల్లా నడిగూడెం ప్రతినిధి పొలంపల్లి వెంకటేశ్వర్లు నడిగూడెం మండల పరిధిలోని రత్నవరం రైతు వేదిక నందు శనివారం ‘రైతు ముంగిట్లో శాస్త్రవేత్తలు’ అనే అవగాహన కార్యక్రమం ఘనంగా జరిగింది. కంపాసాగర్ కేవీకే వ్యవసాయ శాస్త్రవేత్త శ్రీమతి ఏ. రాములమ్మ, మండల వ్యవసాయ అధికారి మల్సూర్ ముఖ్య అతిథులుగా హాజరై రైతులకు పలు సూచనలు చేశారు. ఈ సందర్భంగా శాస్త్రవేత్త రాములమ్మ గారు మాట్లాడుతూ.. రైతులు మార్కెట్ డిమాండ్కు అనుగుణంగా ప్రభుత్వం నిర్దేశించిన నూతన వరి వంగడాలను మాత్రమే సాగు చేయాలని కోరారు. రసాయన ఎరువుల మితిమీరిన వాడకం వల్ల భూసారం దెబ్బతినడమే కాకుండా పెట్టుబడి వ్యయం పెరుగుతుందని ఆందోళన వ్యక్తం చేశారు. పెట్టుబడి తగ్గించుకుని, నాణ్యమైన దిగుబడులు సాధించాలంటే సేంద్రియ వ్యవసాయం వైపు రైతులు అడుగులు వేయాలని పిలుపునిచ్చారు. పచ్చిరొట్టతో కలుపు నివారణ: ముఖ్యంగా నేరుగా వెదజల్లే పద్ధతిలో వరి సాగు చేసేటప్పుడు ఎదురయ్యే కలుపు సమస్యను అధిగమించడానికి, ప్రధాన పంటకు ముందు పచ్చిరొట్ట విత్తనాలను సాగు చేయాలని శాస్త్రవేత్త సూచించారు. దీనివల్ల కలుపును సమర్థవంతంగా నిర్మూలించడంతో పాటు భూమికి అవసరమైన నత్రజని అందుతుందని వివరించారు. అనంతరం ఏవో మల్సూర్ మాట్లాడుతూ.. వ్యవసాయ శాఖ ద్వారా అందుతున్న రాయితీలు, సేవలను రైతులు సద్వినియోగం చేసుకోవాలని కోరారు. ఈ కార్యక్రమంలో మండల ఏఈవోలు మరియు పరిసర గ్రామాల అభ్యుదయ రైతులు పెద్ద సంఖ్యలో పాల్గొన్నారు. కార్యక్రమంలో పాల్గొన్న ప్రముఖులు: ఈ అవగాహన సదస్సులో రత్నవరం గ్రామ సర్పంచ్ దాట్ల నాగేశ్వరరావు, మొలుగూరి గోపి (రామాపురం), మార్ సిటీ నరసింహారావు, మొగలగాని శ్రీనివాసరావు (సాగిరాల), కొల్లు వీరయ్య, రామారావు (తెల్లబల్లి)లతో పాటు రత్నవరం గ్రామ రైతులు కన్యబోయిన రామారావు, పల్లి సంజీవరెడ్డి, రామిని రామిరెడ్డి, పోలంపల్లి వెంకటేశ్వర్లు, పగడాల శ్రీనివాసరెడ్డి, తోకల శ్రీనివాస్ రెడ్డి, రామిని సైదిరెడ్డి, రాముని భూపాల్ రెడ్డి, రాజుల కృష్ణమూర్తి, రామిని వెంకట్ రెడ్డి, పసుపులేటి శ్రీరాములు, కొత్త శ్రీనివాస్ రెడ్డి, రామిని నర్సిరెడ్డి, రామిని భూసాగర్ రెడ్డి, గుడిపూడి వెంకటేశ్వర్లు, రామిని లక్ష్మారెడ్డి, కన్యబోయిన హరినారాయణ, రామిని దేవిరెడ్డి, రామిని నారాయణరెడ్డి, రాజుల అక్కయ్య తదితరులు పాల్గొన్నారు.
